Klêi kơ’nâi leh tơdah, péa Ngế pro xiâm hnê ngăn tơnêi têa hiăng tơkŭm po tơpui tơno ‘na tơrŭm cheăng pơla péa pâ ƀă châ hlo leh kĭ mâu mơ-éa ki kal tơrŭm cheăng. Péa Ngế pro xiâm hnê ngăn tơnêi têa tối rơdêi ki kal dêi tơdroăng đi đo rak ƀă mơnhông tiô khôi vâi krâ nah rŭm môi tuăn, tŏng kum dêi pó tung tơplâ vâ châ tơniăn krê hdroâng kuăn ngo, rôih hnâp rơxông kơdê long mơngế Polpot hdrối nah xuân môi tiah tung mơjiâng, mơnhông tơnêi têa nôkố.

Tiô tơdroăng lăm pôu pêi cheăng păng ‘nâng Việt Nam, Ngế pro xiâm hnê ngăn tơnêi têa Kul kô ai mâu roh tơpui tơno, trâm mâ ƀă khu râ kăn pơkuâ xiâm má môi dêi Đảng, Tơnêi têa Việt Nam vâ séa ngăn tơdroăng châ tơƀrê tơrŭm cheăng ƀă tơpui tơno vâ mơdêk tơrŭm cheăng Việt Nam – Kul tung la ngiâ rế hía rế trâu hơhngế, păng ‘nâng, châ tơƀrê.