Ngế pro xiâm hnê ngăn tơnêi têa Phạm Minh Chính pơkuâ po rôh hôp Chin phuh khế 11 hơnăm 2023
Thứ năm, 06:00, 07/12/2023
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo lơ 6/12, a Tíu pêi cheăng Chin phuh, xua tơdroăng pơkuâ dêi Ngế pro xiâm hnê ngăn tơnêi têa Phạm Minh Chính, Chin phuh hôp tiah hmâ khế 11 hơnăm 2023 vâ mơnhên tối tơdroăng cheăng kâ rêh ối pơlê pơla khế 11 ƀă 11 khế hơnăm 2023; tơdroăng ‘mâi mơnhông ƀă mơdêk cheăng kâ rêh ối pơlê pơla; tơdroăng xing xoăng liăn ngân ‘no pêi cheăng tơdjuôm; tơdroăng mơjiâng 03 Tơdroăng pơkâ dêi tơnêi têa.
Klêi kơ’nâi hmâng mâu rơkong tơpui tối pơchuât, mơgêi rôh hôp, Ngế pro xiâm hnê ngăn tơnêi têa Phạm Minh Chính hiăng mơhno nhên mâu tơdroăng klêi kơ’nâi pêi pro châ tung hnoăng cheăng hnê mơhno pơkuâ ƀă tơdroăng cheăng kâ rêh ối pơlê pơla khế 11 ƀă 11 khế, malối cho tung tŏng kum xơpá tơvâ, tŏng kum kuăn pơlê, khu mơdró kâ ‘mâi mơnhông ƀă mơnhông tê mơdró.
Rơtế ƀă mê Ngế pro xiâm hnê ngăn tơnêi têa pơkâ thế mơdêk tơdroăng ki ‘no liăn pêi cheăng tơdjuôm,Tơdroăng ‘mâi mơnhông 03 tơdroăng pơkâ dêi tơnêi têa; mơdêk rĕng kĭ pơkâ. Athế pêi klêi tơdroăng ki xoăng liăn nhên tâi tâng kơxô̆ liăn ‘no cheăng tơdjuôm tơbleăng túa pơkâ 2023 u ối hdrối hâi lơ 10/12/2023.
Viết bình luận