Ngế pro xiâm hnê ngăn Chin phuh Phạm Minh Chính tối hiâm mơno mơjo khât ƀă rơkong sĭng khéa ó khât ‘nâ tơdroăng ki kơdrâ prôk lêk dêi Ngế pro xiâm hnê ngăn kong têa Abe ngế pú ki kân, hmâ dêi Chin phuh, kuăn pơlê Việt Nam. Ngế pro xiâm hnê ngăn Chin phuh Phạm Minh chính mơnhên tối tơrŭm cheăng Việt Nam – Nhuk tung rôh pôa Abe pro Ngế pro xiâm hnê ngăn kong têa hiăng ai mâu rôh mơnhông rơdêi drêng péa tơnêi têa mơdêk tâk troh tơrŭm cheăng tung la ngiâ trâu hơngế xua hơniâp lĕm ƀă kro mơdrŏng a châu Á hơnăm 2014, mâu kuăn pơlê Việt Nam a Nhuk rĕng tâk hên, châ lối lối 400 rơpâu ngế.

Jâ Akie Abe, kơdrâi Ngế pro xiâm hnê ngăn kong têa Nhuk hneăng hdrối mơnê ƀă tối mơnê khât rơkong tơpui dêi Ngế pro xiâm hnê ngăn Chin phuh Phạm Minh Chính ƀă tơdroăng ki hlâ lêk dêi Ngế pro xiâm hnê ngăn kong têa Nhuk Abe Shinzo; tối nhên kô pơtối pêi pro mâu tơdroăng ki púi vâ dêi Ngế pro xiâm hnê ngăn kong têa Nhuk hneăng hdrối Abe Shinzo ‘na pêi trâu hngế tâ tơrŭm cheăng Việt Nam – Nhuk.