A rôh tơdah, Ngế pro xiâm hnê ngăn tơnêi têa pơkâ thế Chin phuh, ngế xiâm pơkuâ ngăn lêng péa tơnêi têa pơtối tơbleăng, ki nhên pro hơ’lêh ƀă pêi pro tơƀrê mâu tơdroăng tơkêa, tơdroăng pơkâ ƀă Mơgêi pơla kăn xiâm pơkuâ péa Đảng, péa tơnêi têa, veăng kum tơbêng, ‘mâi mơnhông tơrŭm tơroâ pơla Việt Nam – Kul.

Pơkâ thế péa pâ mơdêk rơdêi tơrŭm tung tâi tâng mâu kơvâ cheăng, tung mê ai tê mơdró, ‘no liăn cheăng, tơdjêp péa tơnêi têa cheăng kâ, hngêi trăng troăng klông, hnê cheăng ăm mâu ngế pêi cheăng, trâm mâ kuăn pơlê.

Ngế pro xiâm hnê ngăn tơnêi têa rơhêng vâ khu lêng pái tơnêi têa Việt Nam – Lếo – Kul pơtối tơrŭm, môi tuăn tiô hiâm mơno tơngah, tơdrăng, ai pơxúa tơƀrê; tơrŭm mơjiâng bro troăng tơkăng kong hơniâp lĕm, tơrŭm tơroâ ƀă mơnhông.