Ngế pro xiâm hnê ngăn Chin phuh ăm ‘nâi, Việt Nam đi đo nhoăm tơrŭm cheăng tiah hmâ ton nah ƀă Romania; khĕn kơdeăn Romania hiăng veăng môi tuăn ƀă kum Việt Nam tung tơdroăng  tơplâ tơbriât pơkuâ tơniăn, lâp tơnêi têa rŭm môi tuăn hdrối nah xuân môi tiah mơjiâng ƀă mơnhông tơnêi têa nôkố.

Ngế pro xiâm hnê ngăn tơnêi têa Phạm Minh Chính ƀă Ngế xiâm pơkuâ cheăng kâ Stefan-Radu Oprea phiu ro hlo tơdroăng tơrŭm cheăng pơla Việt Nam - Romania dế mơnhông tơƀrê tung hên tơdroăng cheăng kal kí, tơpui tơno, cheăng kâ, kring tơniăn, cheăng lêng, túa lĕm tro, hnê hriâm ƀă hnê mơjiâng tuăn ngôa rơkê.

Tung la ngiâ, tơdrêng ƀă mơdêk tơpui tơrá mâu khu kăn ƀă rêm râ a tâi tâng mâu kong pơlê kân, Ngế pro xiâm hnê ngăn tơnêi têa Phạm Minh Chính pơkâ thế péa pâ kal mơnhên tơrŭm cheăng kâ - ‘no liăn cheăng - tê mơdró cho xiâm tơdroăng ki kal tung tơrŭm pơla péa pâ tung la ngiâ, tơxâng ƀă tơdroăng tơrŭm cheăng kal kí, tơpui tơno. Péa pâ kal mơdêk tơrŭm ‘na troăng prôk tung tơdroăng chơ tơmeăm, tung mê ai troăng tơƀai; xúa ki pơxúa dêi tơdroăng kĭ Tơhrâ EVFTA.