A rôh tơpui tơno, Ngế pro xiâm hnê ngăn Chin phuh Phạm Minh Chính tối phiu ro hlo tơdroăng ki mơnhông rơdêi, tŭm têk ƀă ai pơxúa dêi tơrŭm tơroâ Việt Nam – Nhuk. Tiah mê, Nhuk cho kong têa tơrŭm cheăng kơxô̆ 1 ‘na ODA, má péa ‘na pêi cheăng, má pái ‘na ‘no liăn cheăng ƀă má 4 ‘na tê mơdró; tối rơdêi Việt Nam đi đo ngăn Nhuk cho kong têa tơrŭm cheăng ki kal xiâm ƀă ton xŏn.

Ngế pro xiâm hnê ngăn Chin phuh Phạm Minh Chính pơkâ thế kăn xiâm hnê ngăn Kuô̆k hô̆i râ má péa Nhuk Nukaga Fukushiro bă Kuô̆k hŏi râ má péa Nhuk tơmâng, tŏng kum thăm mơdêk tơrŭm cheăng tung hên kơvâ pơla Việt Nam – Nhuk tiô tơdroăng tơrŭm cheăng tung la ngiâ tâi tâng; mơdêk tơrŭm, trâm mâ Kuô̆k hô̆i péa tơnêi têa, mơdêk pơtroh mâu khu râ kăn troh a tơnêi têa dêi rơpó, trâm mâ pơla khu kăn Kuô̆k hô̆i râ má môi, kăn Kuô̆k hô̆i râ má má môi hơnăm ối nếo, kăn cheăng tung Kuô̆k hô̆i râ má môi cho kơdrâi dêi péa tơnêi têa. Môi tuăn ƀă mơdêk tơdjêp péa tơnêi têa cheăng kâ, tŏng kum Việt Nam mơjiângtơdroăng cheăng kâ tơniăn krê.