Ngế pro xiâm hnê ngăn tơnêi têa Phạm Minh Chính tối, Đảng, tơnêi têa, Chin phuh, Kuô̆k hô̆i ƀă kuăn pơlê Việt Nam đi đo nhoăm, rak vế ƀă mơ-eăm pêi trâu rơdâ tâ nếo tơrŭm cheăng tiah hmâ ton nah tơrŭm môi tuăn ƀă tung tŭm tơdroăng pơla Việt Nam - Cuba, rơtế veăng kum mơnhông cheăng kăch măng ki tro dêi kuăn pơlê Cuba. 

Ngế pro xiâm hnê ngăn tơnêi têa tối nếo troăng rơhlâ dêi Việt Nam tơtrâ mâu luât ki mơdât môi pâ xêh ƀă Cuba. Péa ngế kăn  xiâm vâ môi tuăn mơdêk tơrŭm cheăng tiô troăng rơhlâ, tơpui tơno a mâu rôh hôp hên pâ, cho tơdroăng hmâ pêi pro ki lĕm tro ing ton nah pêi péa tơnêi têa. Péa pâ vâ môi tuăn tơrŭm krá tâ nếo vâ mơdêk tơrŭm cheăng kâ ‘no liăn cheăng, tê mơdró, tung mê ai tơrŭm pêi chiâk,  pro tơniăn krúa ‘na kế kâ.