Kheăn kơdeăn, rơkâu tơdroăng xông kân rơdêi dêi pơlê pơla mơngế Việt Nam a Thổ Nhĩ Kỳ, Ngế pro xiâm hnê ngăn Chin phuh tối ăm ‘nâi hiăng pơkâ peăng kong têa Thổ Nhĩ Kỳ pơtối pro tơ’lêi hlâu tâ mê nếo ăm pơlê pơla mơngế Việt Nam pơtối rêh ối, pêi cheăng a Thổ Nhĩ Kỳ, mot tơrŭm trâu hơhngế a kong têa kố, veăng kum tung tơdroăng mơnhông dêi kong têa Thổ Nhĩ Kỳ xuân môi tiah tơrŭm cheăng nhŏng o péa tơnêi têa ƀă đi đo tơmiêt troh pơlê xiâm, tơnêi têa.

Ngế pro xiâm hnê ngăn Chin phuh pói vâ kuăn pơlê hmiên tuăn, pơtối loi tơngah tung tơdroăng pơkuâ dêi Đảng ƀă Tơnêi têa; Kăn teăng mâ a kong têa Thổ Nhĩ Kỳ rak hnoăng ki xiâm tơkŭm, tơdjêp pơlê pơla, mơjiâng pơlê pơla rế hía rế tơniăn ƀă mơnhông; chiâng kông tơdjêp krá tơniăn ăm tơrŭm cheăng nhŏng o pơla péa tơnêi têa ƀă kuăn pơlê péa tơnêi têa; rak khôi túa lĕm hdroâng mơngế ƀă pơlê xiâm; hnê hriâm kuăn cháu ‘na xiâm rêi dêi tơná, rak nâl tơpui nâl Xuăn.