A roh trâm mâ, teăng mâ Khu râ kăn Kuô̆k hô̆i pơlê kong kân Cần Thơ tối tơbleăng tơdroăng châ tơƀrê hneăng hôp má 6, Kuô̆k hô̆i hneăng má XV. Rơtế ƀă mê, kuăn pơlê kong kân Cần Thơ kheăn kơdeăn mâu tơdroăng châ tơƀrê ki Kuô̆k hô̆i hiăng châ a hneăng hôp pơla kố nah, tơdrêng amê xuân kheăn kơdeăn tơdroăng pơkuâ kơtăng dêi Chin phuh, Ngế pro xiâm hnê ngăn Chin phuh tung pơkuâ cheăng kâ kân, pơkuâ liăn chu rơpâ yă, mơdêk cheăng kâ.

Pakĭng mê, kuăn pơlê tiô khôp xuân pơkâ Chin phuh, mâu khu xiâm Tơnêi mơ’no liăn mơjiâng pro hngêi trăng troăng klông vâ kuăn ‘nĕng kuăn khôp Pâ Xeăng  ai ivá mơnhông cheăng kâ lĕm tro tâ, hnê mơhno kơtăng tơdroăng pơ’lêh hdrê pêt mơnăn păn vâ kuăn pơlê pêi chiâk deăng ai liăn rơkê tung pêt mơjiâng tơmeăm pêi lo ing chiâk deăng; ai troăng hơlâ mơjiâng hnôu ‘măn báu ăm kuăn pơlê pêi chiâk deăng drêng pôe xo báu kơdroh mâu ngế ki rôe hdjip yă, troh drêng báu ai yă tê khu tê mơdró.