Tơpui tối mâu ăm mâu rơxông thái cô ƀă hok tro hngêi trung Đăi hok Quốc gia pơlê kong kân Hồ Chí Minh Ngế pro xiâm hnê ngăn Chin phuh pơtroh tâi tâng mâu rơxông kăn pơkuâ, khu pú hên cho kăn ƀô̆, khu ki hriăn ‘na khoa hok, giảng viên, ngế pêi cheăng rơtế ƀă tâi tâng mâu ngế ki hriâm, sinh viên Đại học Quốc gia Pơlê kong kân Hồ Chí Minh rơkong kơ-êng, mâu tơdroăng ki kal pơxúa ƀă rơkong rơkâu tơniăn lĕm má môi.

Ngế pro xiâm hnê ngăn tơnêi têa tơmâng xo, mơnhên tối khât, khê̆n kơdeăn mâu ivá mơeăm ƀă klêi kơ’nâi hlo tơƀrê ki mâu rơxông kăn pơkuâ, khu pú hên, khu ki hriăn ‘na khoa hok, giảng viên, ngế pêi cheăng, ngế ki hriâm, sinh viên Đại học Quốc gia Pơlê kong kân Hồ Chí Minh hiăng pêi pro klêi tung 28 hơnăm mơjiâng ƀă mơnhông. Ngế pro xiâm hnê ngăn tơnêi têa pơkâ thế hngêi trung mơdêk tơdroăng ki rah xo ƀă hnê cheăng, hnê tơ’nôm mâu tơdroăng cheăng ăm hok tro ki rơkê, mơdêk tơdroăng ki hriăn ngăn khoa hok; tơtrŏng tơ’mot, xúa ƀă mơjiâng mâu khu ki hriăn khoa hok hơnăm ối nếo rơkê, mâu khu ki hriăn ‘na khoa hok ki xiâm dêi kơvâ cheăng; Hơ’lêh kơxô̆ ƀă Tuăn ngoâ ki mơjiâng bro ối tung khu ki xiâm dêi châu Á; mơjiâng Tíu xiâm Hơ’lêh nếo rơkê  dêi tơnêi têa.