Xông tơpui a hneăng hôp, Ngế pro xiâm hnê ngăn tơnêi têa Phạm Minh Chính mơnhên, kheăn kơdeăn păng ‘nâng tơdroăng mơ-eăm khât ƀă tơdroăng châ tơƀrê dêi kơvâ Hngêi arak liăn tung hơnăm 2023, veăng kum kal khât tung tơdroăng châ tơƀrê dêi tơnêi têa. ‘Na mâu hnoăng cheăng ki nhên Ngế pro xiâm hnê ngăn tơnêi têa pơkâ Hngêi arak liăn Tơnêi têa tơtrŏng pơkuâ troăng hơlâ liăn ngân hbrâ, ƀeăn ƀĕng, teăm tơdrêng, châ tơƀrê, tơrŭm krá tơniăn, tơdâng tơ’mô ƀă troăng hơlâ liăn ngân po rơdâ tơtro, ai xiâm kối ƀă mâu troăng hơlâ ki kân.

Pơkâ xiâm cho thế kơjo mơdêk cheăng kâ ƀă tơniăn cheăng kâ kân, mơdât tơdroăng ki liăn chu rơpâ yă, rak tơniăn tơdâng tơ’mô kân dêi cheăng kâ, tơniăn kơchơ mơdró liăn ngân, liăn ki chiâng rôe tơmeăm a kong têa ê ƀă tơniăn tơdroăng pêi cheăng dêi khu tơrŭm ăm mung liăn.