Tơpui a Rôh hôp, Ngế pro xiâm hnê ngăn Chin phuh Phạm Minh Chính mơnhên tối, hnoăng cheăng Kŏng an hơnăm 2023 hiăng pêi tơƀrê tâ hơnăm 2022.

Ngế pro xiâm hnê ngăn Kŏng an tối nhên, Đảng, Tơnêi têa tơngah, kuăn pơlê tơngah khu Kŏng an kuăn pơlê pơtối mơdêk khôi hmâ ngê lêng khên tơnôu, “Xua tơnêi têa piu dêi tơná, xua kuăn pơlê vâ kum pêi mâu tơdroăng”, “Bu ‘nâi ối to Đảng mê ối ai pin”, “Tơdroăng ki kơnía dêi tơná cho tơdroăng ki xêt, kơnía khât”; cho túa pơkâ dêi tơdroăng tơrŭm; djâ troăng ahdrối, tung pêi pro troăng hơlâ pơkâ dêi Đảng, Tơnêi têa; khŏm mơ-eăm ivá, pêi pro kơhnâ ƀă pêi tâi ivá tơná kum Tơnêi têa, kum kuăn pơlê; đi đo tơxâng cho khu lêng kring vế ki kal, tơngah, tơdrăng dêi Đảng, Tơnêi têa ƀă kuăn pơlê.