Klêi kơ’nâi hmâng mâu rơkong tơpui a Rôh hôp, Ngế pro xiâm hnê ngăn tơnêi têa Phạm Minh Chính ăm ‘nâi ‘na rôh ƀă klêi kơ’nâi tơƀrê dêi hơnăm 2023 dêi lâp tơnêi têa tơdrêng amê hlối mơhno nhên mâu tơdroăng ki hiăng pêi tơƀrê dêi Kơvâ Mơhno túa lĕm tro Tơ’noăng ivá ƀă Ôm hyô tung mê tối nhên, kơvâ Mơhno túa lĕm tro Tơ’noăng ivá ƀă Ôm hyô hiăng rơtế ƀă rêm râ kơvâ cheăng, kong pơlê pơtối hơ’lêh rơdêi túa rak vế ing tơdroăng pro mơhno túa lĕm tro ngi pơkuâ ngăn tơnêi têa ‘na mơhno túa lĕm, mơ-eăm ‘mâi rơnêu xơpá, tơvâ, kơhnâ, hbrâ xúa rôh ki tơ’lêi, tơbleăng kơtăng, tơdâng mâu hnoăng cheăng, troăng hơlâ ƀă pêi châ tơƀrê hên mâu tơdroăng ki kal.

‘Na túa tơmiât, hnoăng cheăng hơnăm 2024 ƀă tung la ngiâ Ngế pro xiâm hnê ngăn tơnêi têa pơkâ thế Kơvâ Mơhno túa lĕm tro Tơ’noăng ivá ƀă Ôm hyô kal pơtối tơkŭm tơbleăng tơƀrê mâu troăng hơlâ, luât pơkâ dêi Đảng, Tơnêi têa ‘na túa lĕm tro, malối cho Mơgêi dêi Kăn xiâm pơkuâ hnê ngăn Đảng Nguyễn Phú Trọng a Rôh hôp Túa lĕm tro lâp tơnêi têa.