Veăng a rôh hôp tiô tơdroăng ki ‘no tơdrêng ing um tơvi, rơ’jíu ƀă ‘no tơdrêng ing troăng hyôh internet ối ai kăn pơkuâ mâu khu xiâm, kơvâ cheăng, kơ koan Tơnêi têa, kăn pơkuâ 63 to kong pơlê, pơlê kong kân, mâu khu mơdró kâ, khu pơkuâ ki kân, kăn pơkuâ mâu tíu pêi cheăng ối tung Khu xiâm tơpui kâ, mâu kăn teăng mâ, Ngế xiâm pơkuâ Kơ koan teăng mâ Việt Nam a kong têa ê.

Tiô Ngế xiâm tơpui kâ kâ Bùi Thanh Sơn, pơkâ kơtăng khât troăng hơlâ Hneăng hôp kân 13 dêi Đảng hiăng mơ’no “mơjiâng tơdroăng tơpui kâ cheăng kâ kum mơnhông xo kuăn pơlê, kong pơlê ƀă khu mơdró kâ pro tíu xiâm vâ pêi cheăng”, xua tơdroăng hnê mơhno tro khât dêi Khu xiâm pơkuâ tơdroăng kal kí, Khu pơkuâ ngăn Đảng, hnê mơhno tơdrêng đi đo cho Ngế pro xiâm hnê ngăn Chin phuh ƀă mâu Ngế pro xiâm phŏ hnê ngăn Chin phuh, hnoăng cheăng tơpui kâ ‘na cheăng kâ hiăng ai mâu rôh mơnhông nếo tiô troăng tŭm têk, ai pơxúa kal ƀă tơƀrê tâ.