VOV4.Xơ Đăng - Hâi lơ 15/7, pôa Phạm Minh Chính, Ngế pro xiâm hnê ngăn tơnêi têa diâp pơkâ ăm Kăn hnê ngăn Đảng dêi khu xiâm ngăn pơkeăng pơlât ƀă pơcháu hnoăng cheăng pro Ngế xiâm ngăn pơkeăng pơlât ăm jâ Đào Hồng Lan, Ngế cheăng tung tíu xiâm Đảng, Ngế pơkuâ khu kăn Kuô̆k hô̆i kong pơlê Bắc Ninh.

Ngế pro xiâm hnê ngăn tơnêi têa pơcháu pơkâ Hnoăng cheăng ăm Ngế xiâm ngăn pơkeăng pơlât ăm jâ Đào Hồng Lan

Teăng mâ kăn xiâm Đảng, Tơnêi têa, Ngế pro xiâm hnê ngăn tơnêi têa hâk mơnê kơ jâ Đào Hồng Lan hiăng châ Khu xiâm kal kí, Khu kăn xiâm hnê ngăn Đảng, Chin phuh loi nhoăm pơcháu hnoăng cheăng pêi ki kân kố. Cho Ngế xiâm pơkuâ ki nếo ƀă hên tơdroăng pơloăng mơnúa, Ngế pro xiâm hnê ngăn tơnêi têa loi khât tiah kố: Jâ Đào Hồng Lan kô pơtối rak vế ivá cheăng ki rơkê, xiâm dêi tơdroăng tơná hlê rơkê, rơtế ƀă hên ngế khu kăn Đảng, Khu xiâm, mâu kăn ƀô̆, kŏng chưk, viên chưk, mơngế pêi cheăng dêi tâi tâng kơvâ cheăng, pơtối rak vế pêi pro hnoăng cheăng ki lĕm dêi kơvâ ngăn pơkeăng pơlât, ôh tá la lâi pơtê mơ-eăm, thế đi đo kơdôu mơ-eăm khât, mơ-eăm tơkâ luâ xơpá, tơkâ luâ tơdroăng pơloăng mơnúa vâ pê klêi hnoăng cheăng dêi Đảng, Tơnêi têa ƀă kuăn pơlê pơcháu.

Gương tơplôu ƀă tơbleăng