VOV4.Xơ Đăng - Kơxo lơ 19/4, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp ‘na tơdroăng pêi pro luât pơkâ ‘na tơdroăng cheăng pơkâ hdró riân ing ai luât pơkâ hdró ki xêt khât. A hneăng hôp, pôa Phạm Minh Chính, Ngế pro xiâm hnê ngăn tơnêi têa ăm ‘nâi, a hneăng hôp kố vâ tối ki tơ-brê ‘na tơdroăng cheăng, ki xơpá, hnoăng cheăng pêi ƀă troăng rơhlâ mơdêk ki tơ-brê tung tơdroăng pơkâ hdró tung la ngiâ. Pôa Phạm Minh Chính pơkâ thế mâu kăn ki veăng hôp tơkŭm tơpui tơno mâu tơdroăng môi tiah: hnoăng cheăng pêi pơkâ hơnăm 2022; ‘nâi nhên tơdroăng ki pơkâ tâi tâng dêi tơnêi têa; tơdroăng tơrŭm pơla tiô mâu pơkâ; mâu tơdroăng ki tro ƀă pơkâ; rah xo hnê tối mơjiâng pơkâ...

Ngế pro xiâm hnê ngăn Tơnêi têa pơkuâ hneăng hôp Chin phuh ‘na tơdroăng cheăng pơkâ hdró 

Ngế pro xiâm hnê ngăn tơnêi tea tối nhên, mâu tơdroăng pơkâ ki pá, ki nếo, ki tơxul tơxal mê kô ai mâu tơdroăng tối pơrá phá. Xua mê thế tí tăng ‘nâi plĕng trâu, ai troăng rơhlâ vâ tơtro tá ‘na ngiâ ƀă ton ta ah vâ tơdroăng pơkâ châ pêi tơ-brê.

Gương tơplôu [ă tơbleăng