VOV4.Xơ Đăng - Kơxo lơ 14/4, a tíu pêi cheăng Chin phuh, Hô̆i đŏng tơ’noăng - khê̆n kơdeăn xiâm tơnêi têa hneăng 2021-2026 hôp roh má 2 xua pôa Phạm Minh Chính, Ngế pro xiâm hnê ngăn Chin phuh, Kăn xiâm hnê ngăn Hô̆i đong. Klêi tơmâng tơpui tơno tối mơgêi hneăng hôp Ngế pro xiâm hnê ngăn tơnêi têa tơmâng xo, khê̆n kơdeăn khât tơdroăng mơ-eăm pêi dêi mâu ngế cheăng tung Hô̆i đong- hiăng ai mâu tơdroăng pêi pro nhên khât, tơ-brê, ai hên hnoăng veăng ‘no tung tơdroăng tơ’noăng khê̆n kơdeăn.

Ngế pro xiâm hnê ngăn tơnêi têa pơkuâ hneăng hôp roh má 2 Hô̆i đong tơ’noăng khê̆n kơdeăn  xiâm tơnêi têa

‘Na tơdroăng cheăng pêi, troăng rơhlâ ki kal hơnăm 2022, Ngế pro xiâm hnê ngăn tơnêi têa tối nhên: tơkŭm mơhnhôk tơ’noăng ai pơxúa, tơƀrê, nhên mâu pơkâ, tơdroăng pơkâ pêi ‘na mơnhông cheăng kâ - rêh ối ai pơkâ a hneăng hôp rôh má 13 dêi Đảng, pơkâ dêi Kuô̆k hô̆i , Chin phuh, Pơkâ hneăng hôp Đảng ƀô̆ ƀă pơkâ Hô̆i đŏng hnê ngăn kuăn pơlê rêm râ. Pơtối pơ’lêh nếo tơdroăng mơhnhôk tơ’noăng, rơtế ƀă pêi pro tơdroăng kal kí dêi khu xiâm, kơvâ cheăng, kong pơlêtiô tơdroăng dêi Chin phuh hiăng pơkâ hơnăm 2022 cho “ Môi tuăn rak vế pêi pro tro tiô luât, hbrâ hmâ, tơniăn tơ-brê, ‘mâi mơnhông mơdêk’’.

Gương tơplôu ƀă tơbleăng