VOV4.Xơ Đăng - Hâi lơ (3/7), a tíu pêi cheăng Chin phuh, Hô̆i đong tơ’noăng khĕn kơdeăn hơnăm 2021-2026 hôp roh má 3 ing hnoăng pơkuâ dêi pôa Phạm Minh Chính, Ngế pro xiâm hnê ngăn Chin phuh, Kăn xiâm hnê ngăn Hô̆i đong. Tơbleăng a rôh hôp, Ngế pro xiâm hnê ngăn tơnêi têa pơkâ thế mâu kăn veăng hnê tối a tơdroăng ki ai khât, ki tro, tối tro hnoăng pêi dêi mâu khu pú hên, mâu ngế, ing mê, Hô̆i đong kô pro mâu hlá mơ-éa ki tơdjâk troh, ki tro, tơdrăng, tơdâng, tro tiô pơkâ, tơxâng ƀă mâu hnoăng cheăng châ pêi pro tiô pơkâ dêi Đảng ƀă luât tơnêi têa.

Ngế pro xiâm hnê ngăn tơnêi têa pơkuâ hneăng hôp roh má 3 Hô̆i đong tơ’noăng khĕn kơdeăn dêi xiâm tơnêi têa hneăng 2021-2026

Ngế pro xiâm hnê ngăn tơnêi têa pơkâ rak tơniăn tơdroăng tơ’noăng, khĕn kơdeăn nhên khât, tơdrăng, môi tuăn kuăn pơlê, tơbleăng vâ mơ-eăm ăm rêm ngế khu pú hên tơxâng vâ xúa pêi tung mơjiâng ƀă kring vế tơnêi têa, pa kĭng mê, veăng ‘no hnoăng hbrâ mơdât tung tơdroăng séa ngăn tơ’noăng, khĕn kơdeăn. 

Gương tơplôu ƀă tơbleăng