hnê ngăn Chin phuh pơkuâ rôh hôp tiah hmâ Chin phuh ăm hnê tối séa ngăn, tah ki xơpá ăm tơdroăng tơkêa pro troăng rơxế lơ treng ki xiâm. Mê cho mâu troăng: Troăng rơxế lơ treng Lào Cai - Hà Nội - Hải Phòng, Troăng rơxế lơ treng kơtâu têi Bắc – Nam ƀă Troăng rơxế lơ treng kơphô̆ a Hà Nội, Pơlê kong kân Hồ Chí Minh.

Tơbleăng mơgêi, Ngế pro xiâm hnê ngăn tơnêi têa tối, mâu khu xiâm, kơvâ cheăng, kong pơlê hiăng tơmâng khât, tơbleăng hên tơdroăng cheăng ki kal tung hơnăm 2025, malối cho tơdroăng ‘mâi hơ’lêh luât troăng  rơxế lơ treng, pê klêi luât pơkâ, luat tŏng gum vâ mơnhông thế tơbleăng tơdroăng tơkêa bro. Ngế pro xiâm hnê ngăn tơnêi têa pơkâ thế Khu xiâm Khoa hok ƀă Kŏng ngê̆, Khu xiâm mơjiâng pro tơmeăm khoăng tăng ngăn tơdroăng pơkâ, rah xo kŏng ngê̆ ki tơtro ăm troăng rơxế lơ treng kơtâu, tơniăn tơƀrê tro kih thuât, cheăng kâ, tơpui tơno.

Ƀă tơdroăng tơkêa bro troăng sap Lào Cai – Hà Nội – Hải Phòng, pơkâ thế ngăn nhên tơdroăng pro, mơ-eăm pê klêi ki apoăng thế pro ki hrá ‘nâng cho a khế 3/2026; pakĭng mê, mơdêk pêi pro pơla troăng pá kơdâm kơphô̆ a Hà Nội, Pơlê kong kân Hồ Chí Minh.