Mâu kăn teăng mâ tơkŭm tơpui tơno, mơnhên tơdroăng nôkố khu pêi cheăng ƀă tơdroăng dêi khu mơhnhôk pêi chiâk deăng pơlê pơla klêi kơ’nâi ôh tá ai râ tơring, tơdroăng mơhnhôk pêi chiâk deăng a cheăm châ vêh pro. Hên rơkong tơpui tối inhên, tâng ôh tá rĕng kêi đeăng troăng pơkâ tơrŭm, tơniăn mơngế pêi cheăng tơtro, tơdroăng mơhnhôk pêi chiâk deăng pơlê pơla ai tơ’lêi ôh tá tơniăn, pá mơnhông hnoăng kông tơdjêp pơla kuăn pơlê, khu tơrŭm cheăng ƀă khu tê mơdró.

Xông tơpui mơgêi roh hôp tơpui tơno, pôa Lê Quốc Thanh, Kăn pơkuâ Tíu xiâm mơhnhôk pêi chiâk deăng Tơnêi têa tối rơdêi pơkâ pơhlêh nếo troăng tơmiât mơhnhôk pêi chiâk deăng tiô troăng pêi chiâk deăng, xo kơchơ mơdró pro troăng mơnhông la ngiâ, xo ki châ tơƀrê ƀă pêi lo liăn dêi kuăn pơlê pêi chiâk deăng pro loăng rek, tŏng gum kuăn pơlê pêi chiâk deăng châ achê troăng tơmiât tê tơmeăm sap ing pơxiâm pêt mơjiâng tơmeăm khoăng.