Hơnăm 2025, Gia Lai ai dâng 5.600 ha krui kơxái, plâi gá châ lối 210 rơpâu tâ̆n. Kong pơlê hiăng châ hbru ăm 48 mah kơxô̆ kơpong pêt ƀă lối 1.150 ha ƀă 6 to tíu ki tâ tung kơthung vâ tê ngi kong têa ê. Nôkố, kơvâ krui kơxái xuân dế trâm hên tơdroăng ki pá: pêt u tâi u tá, iâ êt, tơrŭm iâ, ki lĕm dêi hdrê ôh tá tơ’mô, pơreăng kâ ‘nhiê ôh tá tơniăn, kơxô̆ liăn pro logistics hên ƀă tơdroăng pá ‘na kih thuât sap ing EU, Mih, Nhuk ƀă Sinuâ.

Hlo tơdroăng kố, Rôh hôp tối nhên pơkâ thế pêi pro klêi tơdroăng tơrŭm, malối túa pơkâ ‘Khu mơdró kâ – Khu pêi cheăng tơrŭm – Kuăn pơlê pêi chiâk”, pêi pro troh “5 khu” mê cho Tơnêi têa – Khu mơdró kâ – Khu pêi cheăng tơrŭm – Kuăn pơlê pêi chiâk – Hngêi rak liăn. Khu xiâm ngăn chiâk deăng ƀă Hyôh kong prâi tối rơdêi, tơrŭm cho tơdroăng ki kal vâ mơdêk ivá tơbriât, mơdêk tơdroăng ki pêt krá ton tung la ngiâ.