VOV4.Xơ Đăng - Kơxo lơ 12/7, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp pêi cheăng pơla mâu kăn Chin phuh ƀă Đảng ủy Khô̆i khu mơdró xiâm tơnêi têa ‘na pơkuâ, hnê mơhno tơdroăng cheăng ‘mâi mơnhông, mơdêk tơ-brê tung pêi cheăng dêi khu mơdró tơnêi têa. Tơbleăng a hâi pêi cheăng, pôa Phạm Minh Chính ăm ‘nâi, kố cho rôh vâ tơpui tơno ‘na tơdroăng tơkŭm pêi pro tiô pơkâ Hneăng hôp kân roh má 13 dêi Đảng ƀă Đảng ủy khô̆i khu mơdró xiâm tơnêi têa, malối cho khĕn kơdeăn, ngăn nếo mâu tơdroăng hiăng châ pêi pro dêi mâu grup cheăng kâ, khu xiâm kŏng ti tơnêi têa ki kân; tơpui tăng troăng tâh ki tơvâ tơvân, ki ôh tá tro.

Ngế pro xiâm hnê ngăn tơnêi têa pơkuâ pêi cheăng pơla mâu kăn Chin phuh ƀă Đảng ủy khô̆i khu mơdró xiâm tơnêi têa

Tung la ngiâ, Ngế pro xiâm hnê ngăn tơnêi têa pơkâ thế Đảng ủy khô̆i bro hơ’lêh ki pá chiâng rôh ki tơlêi, mơdêk hnoăng cheăng pêi, mơ-eăm tâ nếo, mơ-eăm kân tâ, pêi kơtăng tâ, ai xiâm. Pơtối tí tăng ‘nâi plĕng pêi klêi khu tơrŭm cheăng tung khu mơdró kâ dêi tơnêi têa rơkê nếo nôkố, tơ-brê, iâ la pêi tơ-brê, tí tăng ‘nâi plĕng luât pơkâ, luât tŏng kum, kring vế kăn ƀô̆ kki khên tơnôu pêi. 

Gương tơplôu ƀă tơbleăng