Ngế pro xiâm hnê ngăn tơnêi têa tối nhen, vâ khu mơdró kâ tơnêi têa khu mơdró kâ chiâng khu liăn ngân ki kal dêi cheăng kâ tơnêi têa pơkuâ djâ mâu tơdroăng cheăng kâ ki ê, kal khât tơdroăng ki hlê mâu tíu ki xơpá tung troăng hơlâ tŏng kum ƀă kơpong khu mơdró kâ kố.

Ngế pro xiâm hnê ngăn tơnêi têa pơkâ thế mâu kăn tơkŭm tơpui tơno, mơnhên tối tro hnoăng cheăng dêi khu mơdró kâ tơnêi têa nôkố, sap ing mê pêi pro nhên tơdroăng ki hdró râ, hơ’lêh kơpong khu mơdró kâ tơnêi têa tơtro ƀă tơdroăng ki ai khât dêi Việt Nam.

Kố xuân cho hnoăng cheăng kum ăm tơdroăng ki tơkŭm po mơgêi, mơnhên tối tâi tâng tơdroăng ki pei pro Pơkâ kơxô̆ 12-NQ/TW ‘na pơtối pơkâ, hơ’lêh nếo ƀă mơdêk tơƀrê khu mơdró kâ tơnêi têa vâ tơbleăng ăm Khu xiâm pơkuâ tơdroăng kal kí séa ngăn, pơtroh ăm khu pơkuâ ngăn tơnêi têa hneăng 13.

Kal mơnhên tối nhên tâ ‘na tơdroăng ki pêi pro ‘no liăn cheăng ƀă tơƀrê tung ‘no liăn cheăng dêi khu mơdró kâ tơnêi têa tung la hdrối nah vâ sap ing mê mơnhên hlo mâu tơdroăng ki tơvâ, xơpá kal tŏng kum.