A rôh hôp, mâu kăn tối nhên, tơdroăng ki mơjiâng môi tíu xiâm liăn ngân kơpong ƀă lâp plâi tơnêi a Việt Nam kô pro ivá prôk pơhlêh nếo ‘na ki rơkê, tơ’mot tơ’nôm liăn ngân, mơdêk tung pơla pơhlêh tơdroăng cheăng kâ, ăm Việt Nam veăng tung kơlo ki tâk tâ tung tơdroăng cheăng kâ liăn ngân tung lâp plâi tơnêi.

Laga, kố cho tơdroăng ki nếo, ôh tá tơniăn ƀă kal ai tơdroăng veăng dêi mâu Khu xiâm, kơvâ cheăng, kong pơlê ki ai tơdjâk. Mơgêi rôh pêi cheăng, pôa Phạm Minh Chính, Ngế pro xiâm hnê ngăn tơnêi têa hiăng tối tơdroăng ki kal dêi mơjiâng tơdroăng pơkâ. Tơdroăng mơjiâng tơdroăng pơkâ kố cho troăng pơhlêh troăng prôk dêi Đảng, xua mê athế ai túa ki châ tơrŭm tơ’lêi, rĕng tơƀrê, ngăn tung ivá cheăng dêi tơnêi têa, hiâm mơno rế pêi rế po rơdâ choâ ‘lâng, ôh tá tơbréa.

Athế rah xo mâu troăng hơlâ tơtro ƀă rơkê má môi dêi tá 3 túa tíu xiâm liăn ngân lâp plâi tơnêi, tro ƀă troăng prôk lâp plâi tơnêi ƀă tơdroăng ai nhên dêi Việt Nam ai troăng prôk tơdrăng nhên, tro.