A roh hôp mâu kăn pêi cheăng Chin phuh hiăng tơpui tơno ƀă tơpui tối ƀă Tơdroăng tơkêa bro Luât pơkuâ, gâk kring Kơpong tíu chôu ‘măn poăng Pôa Hồ Chí Minh, Kăn xiâm hnê ngăn tơnêi têa hneăng apoăng xua Khu xiâm pơkuâ lêng tơbleăng; Pơkâ thế mơjiâng Luât ‘mâi rơnêu, tơ’nôm mâu troăng dêi Luât xúa on tơhrik kơdĭng ƀă châ tơƀrê xua Khu xiâm pơkuâ Kơmăi kơmok tê mơdró tơbleăng; Pơkâ thế mơjiâng Luât on tơhrik kơtâu ƀă trếo tik nik (‘mâi rơnêu) xua Khu xiâm pơkuâ Khoa hok ƀă Kŏng ngê̆ tơbleăng; Pơkâ thế mơjiâng Luât pêi pro tơdroăng rup pơtân, kroăng pơtân ƀă mơdât lo ing kơpong rêh ối xua Ngế xiâm Khu xiâm pơkuâ Kŏng an tơbleăng.

Ƀă mâu rơkong tơpui ai tơdjâk troh tơdroăng rup pơtân, kroăng pơtân tơdjâk troh mâu ngế ki kôk, tiô Ngế pro xiâm hnê ngăn tơnêi têa hiăng ai tơdroăng châi tamo tung châ mê thế ôh tá kroăng pơtân, rup pơtân ƀă pơlât tơdroăng châi tamo tiô hnoăng kuăn mơngế, Khu xiâm pơkuâ ngăn pơkeăng ƀă khăm pơlât mâu ngế châi tamo, ƀă tâng mơngế ki xôi mê Khu xiâm pơkuâ Kŏng an pơkuâ.