Ngế pro xiâm hnê ngăn tơnêi têa tối ăm kuăn pơlê ‘na tơdroăng tung tơnêi têa, hơnăm 2024, Việt Nam hiăng châ mâu tơdroăng châ tơƀrê ki kal tung mâu kơvâ, kêi đeăng 15/15 túa mơnhông cheăng kâ-rêh ối pơlê pơla, tung mê 12 tuá hluâ pơkâ mơ’no. Mơdêk GDP hơnăm 2024 châ 7,09%, ki hên GDP châ 476 rơtal dollars, ối tung khu 35 kong têa cheăng kâ kân má môi lâp plâi tơnêi.

Việt Nam pơtối rak tơniăn cheăng kâ kân, mơdât liăn chu rơpâ yă, mâu tơdroăng ki tơdâng tơ’mô kân châ tơniăn. Klăng roh kố, Ngế pro xiâm hnê ngăn tơnêi têa phiu ro tối tơbleăng ƀă mơngế Việt Nam a Cezch tơdroăng Vi ƀan Xiâm Măt trâ̆n Tơnêi têa Việt Nam hiăng pơkâ rah xo Praha cho tíu tơkŭm po Hâi xah hêi ro Tơrŭm môi tuăn hdroâng kuăn ngo a kong têa ê roh apoăng; mơhno tơdroăng ki mơnhên ƀă kheăn kơdeăn ƀă mâu tơdroăng châ tơƀrê ƀă veăng gum dêi pơlê pơla mơngế Việt Nam a Cezch.

Ngế pro xiâm hnê ngăn tơnêi têa pói vâ kuăn pơlê pêi tiô luât a kong têa kố, đi đo tơrŭm môi tuăn, tŏng gum dêi pó, rak ngăn dêi pó, mơnhông hiâm mơno ‘’tŏng gum dêi pó tung pơlê pơla’’, ‘’tuăn pâ hdroâng mơngế, tuăn pâ vâi krâ kuăn pơlê’’, ki má lối drêng trâm pá puât, xía vâ.