A Thới Sơn, Ngế pro xiâm hnê ngăn tơnêi têa tối rơdêi hnoăng ki má môi dêi cheăm tơkăng kong tung tơdroăng rak hơniâp lĕm, tơrŭm ƀă pro tơ’lêi hlâu ăm kuăn pơlê péa pâ prôk lăm a dêi pó, pêi kâ. Ngế pro xiâm hnê ngăn tơnêi têa pơkâ thế khu râ kăn pơkuâ cheăm ‘nâi tơdroăng kuăn pơlê, ôh tá lôi ăm mâu ngế ki ‘mêi pơlông djâ, tơdrêng amê pơtối pơtroh kăn ƀô̆ kong pơlê vêh a bêng tơtro, pêi rơkê, tro tiô pơkâ.

A cheăm Mỹ Hiệp, Ngế pro xiâm hnê ngăn tơnêi têa pơkâ thế mơjiâng tíu pêi cheăng inhên tâ, tơtro ƀă hnoăng cheăng dêi rêm tíu cheăng; pêi tơtro tơdroăng hbrâ Hneăng hôp Đảng ƀô̆ mâu râ, veăng kum pro krá khu pêi cheăng tơnêi têa iâ tro mơngế, châ tơƀrê, tơxâng pơkâ mơnhông dêi cheăm.