Ngế pro xiâm hnê ngăn tơnêi têa tối tiah kố, tơdroăng mâu khu mơdró Sinuâ mơdêk mâu tơdroăng tơrŭm cheăng, ‘no liăn pêi cheăng a Việt Nam kô veăng gum pơhlêh, ai pơxúa tơbleăng tơhrâ dêi mâu kăn xiâm péa tơnêi têa, pro trâu krá tơrŭm cheăng tung mâu tơdroăng cheăng pơla Việt Nam - Sinuâ, mơjiâng khu kuăn pơlê tối ăm dêi rơpó ‘nâi mâu tơdroăng tung la ngiâ - Việt Nam - Sinuâ  ai pơxúa  khât, xuân môi tiah veăng ‘no hnoăng mơnhông tŭm péa pâ Việt Nam - Sinuâ.

Chin phuh Việt Nam đi đo mơhnhôk mâu khu mơdró Sinuâ po rơdâ tơrŭm ‘no liăn cheăng a kơvâ Sinuâ rơdêi, Việt Nam kal vâ ƀă pêi ahdrối cho: mơjiâng tơmeăm khoăng, malối troăng prôk, pơhlêh nếo hriăn plĕng mâu kơvâ cheăng ki nếo xông tơdjâk troh tuăn ngôa rơkê kuăn mơngế, mơnhông pêi cheăng ngiât, pro on tơhrik, kơphô̆ rơkê plĕng, kơmăi kơmok hriăn pro tơƀrê lĕm.