Xông tơpui a Hneăng hôp, Ngế pro xiâm hnê ngăn tơnêi têa tối nhên, Kŏng an kuăn pơlê hneăng hdrối cho mâu ngế hiăng tơkâ hluâ tơdroăng tơplâ, pơtâp ƀă chiâng rơkê ing mâu roh tơplâ, tơkâ roh tơplâ gâk kring Tơnêi têa, hiăng ai mâu tơdroăng ki pleăng kân kĭn ăm tơdroăng tơplâ tơleăng lĕm hdroâng mơngế, mơjiâng ƀă gâk kring Tơnêi têa; ƀă nôkố dế cho môi khu ki kal dêi pơlê pơla.

Ngế pro xiâm hnê ngăn tơnêi têa mơnhên, Đảng, Tơnêi đi đo nhuô̆m ƀă kheăn kơdeăn mâu tơdroăng veăng kum ki kal dêi khu kŏng an kuăn pơlê hneăng hdrối tung mơjiâng ƀă gak kring Tơnêi têa; hiăng ai hên troăng hơlâ mơhnhôk ivá rơdêi dêi khu Kŏng an kuăn pơlê hneăng hdrối nah tung mơjiâng tơnêi têa ƀă ki rơhêng vâ tối cho tơdroăng mơhá liăn, troăng hơlâ tŏng kum ƀă kăn ƀô̆ kŏng an kuăn pơlê hiăng pơtê cheăng xua hơnăm hiăng krâ; hiăng pơkuâ, hnê mơhno Đảng ŭy Kŏng an Tơnêi têa, Khu xiâm pơkuâ Kŏng an pro tơ’lêi hlâu mơjiâng, pêi kêi đeăng tâi tâng Kâu lăk ƀô̆, Khu rak tơpui Kŏng an hiăng tro hơnăm pơtê cheăng mâu râ ing râ xiâm tơnêi têa troh kong pơlê.