Vêh tối mâu tơdroăng ki pêi pro ƀlêi chiâng ki kal tung mơnhông dêi Pơlê kong kân Hà Nội 9 khế hơnăm 2024, Ngế pro xiâm hnê ngăn Chin phuh mơnhên tối, tung mâu tơdroăng pêi pro tơƀrê tơdjuôm mê, ai tơdroăng veăng gum dêi vâ chê 700 ngế ki kơhnâ rơkê, “Ngế ki lĕm, tơdroăng cheăng pêi ki lĕm”, teăng mâ ăm lối rơtuh ngế krê “Ngế ki lĕm, tơdroăng cheăng pêi ki lĕm” dêi Pơlê kong xiâm, malối cho 10 ngế krê ki kơhnâ rơkê châ ô eăng “Kuăn pơlê Pơlê kong xiâm kơhnâ rơkê” hơnăm 2024.

Tiô Ngế pro xiâm hnê ngăn tơnêi têa, khĕn kơdeăn mâu ngế ki kơhnâ rơkê, “Ngế ki lĕm, tơdroăng cheăng pêi ki lĕm” ƀă ô eăng ‘Kuăn pơlê Pơlê kong xiâm kơhnâ rơkê” hơnăm 2024 cho tơdroăng cheăng ki ai pơxúa drêng châ tơkŭm po klăng rôh tơbâ 70 hơnăm hâi Tơleăng lĕm Pơlê kong xiâm, cho túa ki mơhnhôk, khê̆n kơdeăn mâu ngế krê pêi cheăng tơƀrê tung mâu kơvâ cheăng, djâ troăng ahdrối vâ rêm ngế ki ê tiô ƀối, châ Kuăn pơlê Pơlê kong xiâm ƀă kuăn pơlê tung lâp tơnêi têa môi tuăn.