VOV4.Xơ Đăng - Kơxo lơ 28/4, pôa Phạm Minh Chính, Ngế pro xiâm hnê ngăn Chin phuh veăng Hneăng hôp mơhnhôk mơ’no liăn cheăng kong pơlê Sóc Trăng hơnăm 2022 ƀă dó inâi ‘’Rơtế - tơrŭm – mơnhông mơdêk’’. A hneăng hôp kăn pơkuâ mâu Khu xiâm, kơvâ cheăng xông tơpui mơnhên nhên ‘na tơmeăm ki ai hlâu, roh tơ’lêi mơnhông mơdêk dêi kong pơlê Sóc Trăng ƀă tơbăng kroăng Cửu Long tối tơdjuôm.  

Ngế pro xiâm hnê ngăn tơnêi têa veăng Hneăng hôp mơhnhôk mơ’no liăn cheăng Sóc Trăng hơnăm 2022

Xông tơpui a Hneăng hôp, pôa Phạm Minh Chính, Ngế pro xiâm hnê ngăn Chin phuh tối ‘na 13 tơdroăng ‘na mơjiâng ƀă mơnhông mơdêk tíu mơ’no liăn cheăng, tơmeăm mơ’no liăn cheăng tơmiât troh pơkâ 12 chư: ‘’Tơbleăng tơdrăng, tơdrăng lĕm, tơdâng, tơniăn, châ tơƀrê, krá tơniăn’’.

A hneăng hôp, kong pơlê Sóc Trăng hiăng diâp pơkâ troăng hơlâ mơ’no liăn, mơ-éa mơnhên kĭ mơ’no liăn ăm 4 tơdroăng tơkêa bro ƀă tâi tâng kơlo liăn mơ’no liăn kĭ châ lối 12 rơpâu rơtal liăn ƀă kĭ mơ-éa chôu vế hriăn plĕng séa ngăn mơ’no liăn ƀă mâu khu tê mơdró ƀă tâi tâng kơlo mơ’no liăn kĭ lối 200 rơpâu rơtal liăn.

A Sa Ly tơplôu ƀă tơbleăng