Hơnăm 2024, hdró tơdroăng ki pơhlêh rơdêi ‘na kong ngiê̆p văn hoă ing troăng hơlâ troh ki ai khât. Kong ngiê̆p văn hoă dế chiâng troăng tơmiât pêi ƀă châ mơnhên cho tơdroăng ki kal, veăng gum ăm tơdroăng thăm mơnhông dêi tơnêi têa. Tơ’noăng ivá Việt Nam hiăng châ kâ lối 1.200 mê dái lâp plâi tơnêi.

Kơvâ ôm hyô tơdah lối 17,5 rơtuh ngế tơmối kong têa ê, ƀă tâi tâng kơxô̆ liăn châ xo dâng 840 rơtal. Tơpui hnê mơhno a rôh hôp, pôa Phạm Minh Chính, Ngế pro xiâm hnê ngăn Chin phuh tối nhên kal athế pơhlêh tơrŭm ƀă lâp plâi tơnêi ‘na túa lĕm tro mâu hdroâng kuăn ngo dêi tơnêi têa pin troh ƀă vâi pú lâp plâi tơnêi  ing mâu tơdroăng cheăng túa lĕm tro, tơ’noăng ivá, tơdroăng cheăng dêi kơvâ Túa lĕm tro, Tơ’noăng ivá, Ôm hyô kal pêi ƀă cho tơdroăng mơhnhôk, a kơvâ cheăng ki kố.