Klêi kơ’nâi hmâng mâu rơkong tơpui tối dêi kăn pơkuâ mâu khu xiâm, kơvâ cheăng kong pơlê ƀă khu mơdró kâ, tơpui a rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên, kơvâ cheăng tê roê hngêi trăng, tơnêi tơníu cho môi tung mâu kơvâ cheăng ki xiâm dêi tơdroăng cheăng kâ, ngăn nhuô̆m tơdroăng ki xing xoăng, ‘mâi mơnhông kơchơ mơdró rơtế prôk ƀă séa ngăn tơdroăng ki ôh tá mơhúa.

Chin phuh, Ngế pro xiâm hnê ngăn Chin phuh pơkâ kơtăng hnê mơhno, rơtế prôk ƀă kong pơlê, khu mơdró kâ vâ tŏng kum xơpá ăm kơchơ mơdró tê roê, hngêi trăng tơnêi tơníu. Pakĭng mê, Ngế pro xiâm hnê ngăn tơnêi têa pơcháu ăm khu xiâm, kơvâ cheăng, kơ koan ki ai tơdjâk troh séa ngăn kơvâ cheăng, hnoăng cheăng châ pơcháu hbrâ rơnáu tŏng kum xơpá ăm kơchơ mơdró tê roê hngêi trăng tơnêi tơníu ối tung kơvâ pơkuâ ngăn; pơkâ mơ’no mâu tơdroăng ki tơleăng ƀă mâu tơdroăng ki trâm, tơkâ luâ hnoăng pơkuâ.