Hâi lơ 8/10, tiô rơkong krếo thế dêi pôa Sonexay Siphandone, Ngế pro xiâm hnê ngăn kong têa Kŏng hòa Yân chuh Nhân yân Lếo - Kăn xiâm hnê ngăn ASEAN 2024, pôa Phạm Minh Chính Ngế pro xiâm hnê ngăn Chin phuh pơkuâ djâ khu kăn xiâm Việt Nam veăng hôp mâu Kăn xiâm ASEAN rôh má 44, 45 ƀă mâu hneăng hôp mâu kăn xiâm ki tơdjâk troh a (Vientiane) kong têa Lếo, sap hâi lơ 8  troh lơ 11/10.

Kố cho mâu rôh hôp to kăn xiâm ki kal má môi dêi ASEAN tung hơnăm, ƀă veăng ai kăn xiâm dêi mâu kong têa ASEAN, Timor-Leste ƀă 10 kong têa tơrŭm cheăng dêi ASEAN, ƀă hên mâu ngế ki krếo veăng hôp cho teăng mâ mâu khu tơrŭm cheăng lâp plâi tơnêi ƀă tung kơpong. Ƀă tơdroăng pơxá “ASEAN: Mơdêk tơdjêp ƀă Mơ-eăm’’, mâu kăn xiâm kô tơkŭm tơpui ‘na mâu tơdroăng ki xiâm, tơtro ƀă ASEAN ƀă tung kơpong, mơdêk tơpui tơno, tơrŭm trâu rơdâ, rơtế krá, rơtế tăng ‘nâi plĕng ƀă mơ-eăm tâi ivá rơtế tăng rôh vâ tơkâ luâ pơloăng mơnúa. Ƀă ki mơ-eăm veăng ‘no hnoăng mơ-eăm tâi ivá ăm mâu tơdroăng ƀlêi chiâng tơdjuôm, Kŏng đoân Việt Nam xua pôa Phạm Minh Chính, Ngế pro xiâm hnê ngăn Chin phuh pơkuâ djâ veăng hôp rôh kô, tối hên tơdroăng ki kal ‘na ASEAN ƀă tung la ngiâ dêi ASEAN.