Tiô tối tơbleăng dêi khu xiâm Pơkâ ƀă ‘no liăn cheăng, Pơkâ mê ai pơkâ vâ pêi troh hơnăm 2030, kơpong tơbăng kroăng Hồng mơnhông mơdêk rĕng, krá tơniăn, ai tơdroăng cheăng pêi tơtro, hên túa lĕm tro dêi hdroâng kuăn ngo; tơkŭm hên mơnhông pêi cheăng ƀă kơmăi kơmok, tê mơdró tiô túa nếo ƀă pêi cheăng ƀă kơmăi kơmok ki dâi lĕm, hưh cơ ngiât pêi pro tro ai pơxúa cheăng kâ kân chiâng tíu xiâm xúa kơmăi kơmok hnê mơngế pêi cheăng rơkê, mơngế pêi cheăng kơxô̆ tung lâp tơnêi têa, djâ troăng ahdrối mơnhông cheăng khoa hok - kơmăi kơmok, hơ’lêh hriăn plĕng ki nếo, pơ’lêh kơxô̆, cheăng kâ kơxô̆; ai tơmeăm khoăng cheăng kâ-rêh ối tơdâng tơ ‘mô, pêi tiô túa nếo, kơphô̆ rơkê plĕng, ai tơdjêp.

Tối mơgêi hneăng hôp, Ngế pro xiâm  phŏ hnê ngăn tơnêi têa Trần Hồng Hà pơkâ thế: Pơkâ kal tối nhên tâ tơdroăng mơnhông pơkâ kơpong ki ai pơxúa kân cho ki xiâm, ki phá xêh tơrêm kơpong ing mê, kô mơjiâng pơkâ tiô kơpong, tiô ki ai xêh, mơnhông  kơpong rơtế ƀă ki rơdêi cheăng kâ kal kí tung lâp tơnêi têa.