A rôh hôp, Ngế pro xiâm phŏ hnê ngăn tơnêi têa Trần Hồng Hà pơkâ thế: Khu hnê mơhno pơtối séa ngăn, mơgêi tơdroăng pêi pro Luât rak Tơniăn krúa kế kâ hơnăm2010, mâu tơdroăng pêi tung la ngiâ, túa pơkâ, tơdroăng pêi pro ‘na tơniăn krúa kế kâ; mâu tơdroăng ki ‘nâi tung tơdroăng ki ai khât, mâu túa pơkâ, túa rak ngăn tơniăn krúa kế kâ chal nôkố, môi tuăn ing Tơnêi têa troh kong pơlê; mơdêk xoăng râ, xoăng hnoăng pơkuâ, pêi pro tro ƀă tơdroăng mơdêk rak tơniăn tơdroăng, liăn ngân pêi pro.

Ngế pro xiâm phŏ hnê ngăn tơnêi têa Trần Hồng Hà tối nhên kal hơ’lêh nếo túa pơkâ hnê tối, vâ hơ’lêh ki hlê plĕng dêi rêm râ, mâu kơvâ cheăng malối cho a kong pơlê, kuăn pơlê ‘na mâu tơdroăng ki hlê plĕng ‘na tơniăn krúa kế kâ; xuân môi tiah ai mâu rôh séa ngăn, mâu rôh bro xôi tơniăn krúa kế kâ ki ó.