Tơdroăng tơkêa bro Pơkâ châ pơkâ troh hơnăm 2030, lâp tơnêi têa ai 173 kơno tuk. Kơpong têa kơxĭ peăng Tơdế tơnêi têa (ing Quảng Trị troh Bình Thuận kô cho tíu tơkŭm hên kơno ká má môi lâp tơnêi têa, ƀă 82 kơno ká. Lâp tơnêi têa xuân ai 160 kơpong plong tuk tot ví khía mơhot ăm plong tơnăng ká, tơxâng tơdroăng kal vâ tot ăm dâng 90.000 plong tuk ká.

Mơgêi hneăng hôp, Ngế pro xiâm  phŏ hnê ngăn tơnêi têa Trần Lưu Quang tối nhên mâu pơkâ ki xiâm tung mơjiâng pơkâ pêi, ki ahdrối cho tơdroăng tơkêa bro Pơkâ thế tơtro ƀă mâu pơkâ dế ai xêt khât; mâu tơdroăng xiâm tá hâi tơtro lơ tá hâi tro a khâp mê thế pơkâ ‘mâi rơnêu. Tung mê, pơkâ pêi rế thế tơleăng mâu tơdroăng nôkố, rế thế tơmiât troh mâu tơdroăng pêi cheăng, troăng pêi ăm la ngiâ môi tiah: pơ’lêh xúa kŏng ngê̆, hbrâ ví kong prâi hơ’lêh.