Ngế pro xiâm phŏ hnê ngăn tơnêi têa Trần Lưu Quang khĕn kơdeăn tơrŭm cheăng pơla Khu xiâm ngăn túa lem tro, tơ’noăng Ivá ƀă Ôm hyô Việt Nam ƀă Khu xiâm ngăn tơdroăng nếo ai, Túa lĕm tro ƀă Ôm hyô Lếo, malối cho tung tơdroăng tơkŭm po pêi mâu tơdroăng mơhno túa lĕm tro, trâm tơpui tơno ƀă kuăn pơlê. 

Ngế pro xiâm phŏ hnê ngăn tơnêi têa Trần Lưu Quang pơkâ thế péa pâ pơkâ thế khu xiâm tơbleăng pêi ai pơxúa tơƀrê Pơkâ Tơrŭm  mơhno Túa lĕm tro, Ôm hyô pơla hơnăm 2021 - 2025 hiăng kĭ; tí tăng ‘nâi plĕng, tơbleăng mâu troăng rơhlâ mơdêk tơrŭm cheăng Ôm hyô pơla péa tơnêi têa, krá tơniăn tung tơrŭm krá tung tơkŭm pêi mâu tơdroăng cheăng tung kuăn pơlê mơhno túa lĕm tro - rêh ối pơlê pơla tung hơnăm Lếo pro Kăn xiâm hnê ngăn ASEAN; tơrŭm krá tung tơbleăng pêi mâu tơdroăng tơkêa bro ‘na mơhno túa lĕm tro, tơ’noăng ivá, ƀă ôm hyô dêi Việt Nam a Lếo.