Tiô tối tơbleăng dêi Khu xiâm ngăn cheăng pêi, pêi pro xing xoăng hnoăng cheăng pêi ăm khu kăn dêi tơnêi têa ƀă ‘mâi hơ’lêh nếo mâu tíu pêi cheăng tơnêi têa, mâu kong pơlê hiăng kơdroh 13 tíu pêi cheăng ƀă khu pêi cheăng ki ê dêi Vi ƀan kong pơlê; kơdroh lối 2.500 khu ƀơrô ƀă tơdâng dêi kơ koan cheăng ‘na Vi ƀan kong pơlê, tơring; hlối pơtối séa ngăn, tí tăng ngăn nếo mâu tíu pêi cheăng tơnêi dêi têa, riân troh hơnăm 2023 hiăng kơdroh lối 7.800 tíu pêi cheăng dêi tơnêi têa.

Tối tơbleăng a Hneăng hôp, Ngế pro xiâm phŏ hnê ngăn tơnêi têa Trần Lưu Quang khĕn kơdeăn mâu tơdroăng ki mơ-eăm, hnoăng cheăng pêi pú hên dêi mâu kăn ƀô̆, mơngế pơkuâ, mơngế pêi cheăng  ƀă tơdroăng hiăng châ pêi pro dêi tâi tâng kơvâ cheăng xiâm tung hơnăm 2023. Tung mê, ai hên tơdroăng cheăng ki pá la ôh tá kho vâ pêi pro.