Cho hngêi trung hnê ki kal dêi kơvâ Kŏng an, hngêi trung kố hnê hiăng ton lối 77 hơnăm mơjiâng ƀă mơnhông tơƀrê, Học viện An ninh nhân dân hiăng 30 hơnăm hnê hriâm klêi đăi hoc. Tối tơbleăng a hâi leh, Ngế xiâm ngăn Kŏng an Tô Lâm pơkâ thế Học viện pơtối hnê, tơkŭm pêi pro tro tơƀrê mâu tơdroăng pơkâ, troăng rơhlâ hnê mơhno dêi Đảng, Tơnêi têa ‘na hơ’lêh nếo, tŭm tơdroăng hnê hriâm ƀă hnê mơjiâng tuăn ngôa rơkê, tung mê ai hnê râ pá pêng đăi học.

Pakĭng mê, ‘nâi nhên pơkâ hnê hriâm râ pá pêng đăi hok rơtế ƀă pơkâ, troăng rơhlâ vâ rế ai hên kăn ƀô̆ ki rơkê dêi kơvâ Kŏng an vâ hbrâ pơ’lêh nếo, mơdêk ki tơƀrê tung tŭm tơdroăng hnê hriâm ƀă hnê mơjiâng tuăn ngôa rơkê tối tơdjuôm, hnê hriâm râ pá pêng đăi hok tối krê ai tiô tơdroăng pơkâ mơjiâng khu lêng kŏng an kuăn pơlê tơdrăng lĕm, rơdêi, chính quy, rơdêi tung tŭm tơdroăng tiô pơkâ nếo nôkố, ai tiô tơdroăng kal vâ, hnoăng cheăng pêi tung tơdroăng rêh ối nếo nôkố.