Rơkâu Kăn teăng mâ Tredene Dobson hiăng pê klê hnoăng cheăng pơcháu pêi a Việt Nam, Ngế xiâm Tô Lâm khĕn kơdeăn khât mâu hnoăng veăng ‘no pêi dêi jâ Kăn teăng mâ tung hneăng pêi cheăng hdrối kố nah, ing mê veăng ‘no hnoăng ki kal tung mơnhông mơdêk tơrŭm cheăng ƀă Việt Nam - New Zealand tối tơdjuôm, tơrŭm cheăng pơla Khu xiâm Kŏng an Việt Nam ƀă mâu kơ koan pêi pro tro tiô luât New Zealand.

Ngế xiâm ngăn Kŏng an Tô Lâm púi vâ , tung la ngiâ, péa pâ kô pơtối mơdêk tâ nếo tơdroăng tơbleăng pêi ai pơxúa tơƀrê tâ nếo “Tơhrâ tơrŭm pơla khu xiâm kŏng an Việt Nam ƀă Kơ koan Kăn sát kong têa New Zealand  ‘na hbrâ mơdât mâu ki ai xôi tơkâ luâ kong têa” hiăng kĭ a hơnăm 2019.

Púi vâ Kăn teăng mâ Tredene Dobson kô pơtối ai hên tơdroăng hriăn plĕng vâ mơdêk rơdêi tơrŭm cheăng pơla péa tơnêi têa tung tŭm tơdroăng.