VOV4.Xơ Đăng - Tiô rơkong krếo thế dêi Đăi tươ̆ng Phan Văn Giang, ngế xiâm pơkuâ ngăn lêng Việt Nam, pôa Rajnath Singh, ngế xiâm pơkuâ ngăn lêng kong têa Ấn Độ kô ai rôh lăm pôu păng ‘nâng Việt Nam 3 hâi sap ing kơxo ah, lơ 8/6. Tung rôh lăm pôu kố, pôa Rajnath Singh, Ngế xiâm pơkuâ ngăn lêng kong têa Ấn Độ tiô tối hdrối kô mot pôu ngăn tíu ‘măn poăng Pôa Hồ Chí Minh, tơpui tơno ƀă pôa Phan Văn Giang, koh hmât pôa Nguyễn Xuân Phúc, kăn xiâm hnê ngăn tơnêi têa prế pôa Phạm Minh Chính, Ngế pro xiâm hnê ngăn tơnêi têa.

Péa ngế kăn xiâm kô mơnhên tối ‘na tơrŭm cheăng lêng pơla péa tơnêi têa tung pơla hdrối nah ƀă tơpui tơno mâu tơdroăng ki tơchĕng tơmiât rơkê ki nếo vâ mơdêk tơrŭm tung kơvâ cheăng kố. Tung rôh lăm pôu rôh kố, pôa Rajnath Singh, ngế xiâm pơkuâ ngăn lêng Ấn Độ kô châ hlo leh pơcháu 12 to plong lăm pơtrui ki têi ối tung tơdroăng tŏng kum liăn ăm tơdroăng cheăng lêng kơnâ 100 rơtuh dollars dêi Chin phuh Ấn Độ ăm Việt Nam.

Katarina Nga tơplôu ƀă tơbleăng