VOV4.Xơ Đăng - Kơxê lơ 27/4, Khu râ kăn pêi cheăng dêi Vi ƀan hdroâng kuăn ngo xua pôa Hầu A Lềnh, Ngế xiâm pơkuâ, Kăn xiâm pơkuâ Vi ƀan hdroâng kuăn ngo hiăng ai roh pêi cheăng ƀă Vi ƀan kong pơlê Gia Lai ‘na tơdroăng pêi cheăng hdroâng kuăn ngo ƀă mơnhông cheăng kâ – rêh ối pơlê pơla kơpong vâi krâ hdroâng kuăn ngo ƀă kong ngo.

Ngế xiâm pơkuâ, Kăn xiâm pơkuâ Vi ƀan hdroâng kuăn ngo pêi cheăng a kong pơlê Gia Lai

Ƀă tơdroăng Pơkâ xiâm dêi Tơnêi têa mơnhông mơdêk cheăng kâ – rêh ối pơlê pơla kơpong vâi krâ hdroâng kuăn ngo ƀă kong ngo hneăng hơnăm 2021 – 2025, Kong pơlê Gia Lai pâ thế Khu xiâm tŏng kum vâ chê 6.000 rơtal liăn vâ kong pơlê po rơdâ, pêi pro mâu troăng ‘na tŏng kum rêh ối pơlê pơla, tơdroăng kơdroh kơtiê. A roh pêi cheăng, pôa Hầu A Lềnh tối troăng ‘na rêh ối pơlê pơla, tơdroăng kơdroh kơtiê.

A roh pêi cheăng, pôa Hầu A Lềnh tối Gia Lai hiăng ai hên tơdroăng tơmâng troh tơdroăng pêi cheăng hdroâng kuăn ngo. Kong pơlê hiăng ai mâu troăng hơlâ ki phá tơ-ê mơnhông mơdêk cheăng kâ - rêh ối pơlê pơla kơpong hdroâng kuăn ngo. Pôa Hầu A Lềnh pơkâ thế Gia Lai tơmiât troh mơ’no liăn cheăng a kơpong hdroâng kuăn ngo, tơkŭm mâu tíu ki kơtiê má môi.

A Sa Ly tơplôu [ă tơbleăng