Ngế xiâm pơkuâ khu tơrŭm Tơnêi têa Trương Thị Mai pơkuâ po rôh tơpui tơno ƀă mâu khu pơkuâ Đảng, rêm râ Tơnêi têa
Thứ sáu, 10:52, 05/01/2024
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo lơ 4/1, a Tíu pêi cheăng xiâm Đảng, pơkuâ po rôh hôp tơpui tơno ƀă mâu khu pơkuâ ngăn Đảng, 4 to ƀơrô cheăng, mâu Đảng ủy, kơ koan rêm râ a Tơnêi têa, jâ Trương Thị Mai, Ngế cheăng tung Khu xiâm pơkuâ tơdroăng kal kí, kăn pơkuâ ngăn Đảng, Ngế xiâm pơkuâ Khu tơrŭm Tơnêi têa pơkâ thế: Mơ-eăm pêi klêi tro mâu tơdroăng pơkâ, hnoăng cheăng hơnăm 2024 ing apoăng khế, apoăng hneăng, apoăng hơnăm, veăng kum kal tung tơdroăng ki pêi klêi mâu tơdroăng pơkâ, hnoăng cheăng Hneăng hôp 13 dêi Đảng.
Mâu rơkong tơpui tối a rôh hôp tơpui tơno mơnhên tối: Hơnăm 2023 maluâ ối trâm hên xơpá, pơloăng mơnúa la tâi tâng Đảng, tâi tâng kuăn pơlê ƀă tâi tâng khu lêng đi đo tơrŭm, môi tuăn, khŏm mơ-eăm tro tơdrăng, tơmiât rơkê, teăm vâ pêi pro tơdâng tơ’mô, tŭm têk mâu tơdroăng pơkâ, hnoăng cheăng Pơkâ hneăng hôp 13 dêi Đảng; mơdêk rơdêi hnoăng cheăng mơjiâng, ‘mâi rơnêu hnoăng cheăng Đảng, hbrâ mơdât kâ kơluâ, mơdêk tơdroăng ki mơnhông cheăng kâ rêh ối pơlê pơla.
Jâ Trương Thị Mai pơkâ thế, tung hneăng ki má I hơnăm 2024 mâu khu pơkuâ hnê ngăn Đảng, 4 ƀơrô cheăng, mâu râ đảng ủy, kơ koan rêm râ a Tơnêi têa tơbleăng túa pơkâ pêi pro Pơkâ Tơnêi têa 8 hneăng 13, Tơdroăng pơkâ dêi Khu pơkuâ hnê ngăn Đảng ‘na tơkŭm po Têt Giáp Thìn 2024.
Viết bình luận