Ngế xiâm pơkuâ ngăn lêng Belarus pôu păng ‘nâng Việt Nam
Thứ tư, 06:00, 18/12/2024
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Tiô rơkong krếo thế dêi Đăi tươ̆ng, Ngế xiâm pơkuâ ngăn lêng Phan Văn Giang, Khu lêng xiâm dêi Kŏng hòa Belarus xua Trung tươ̆ng Viktor Gennadievich Khrenin, Ngế xiâm pơkuâ ngăn lêng Belarus pơkuâ djâ khu kăn kố lăm pôu păng ‘nâng Việt Nam ƀă veăng a rôh Mơđah tơbleăng tơdroăng cheăng lêng lâp plâi tơnêi 2024.
Klêi kơ’nâi Leh tơdah, péa pâ hiăng tơpui tơno. A rôh tơpui tơno péa pâ xuân hiăng tơpui ‘na tơdroăng a kong têa ê, tung kơpong ƀă mâu tơdroăng ki péa pâ kal vâ ‘nâi.
‘Na tơdroăng têa kơxĭ, Đăi tươ̆ng Phan Văn Giang tối rơdêi, túa tơmiât hdrối kơ’nâi môi tiah môi dêi Việt Nam cho pơkâ tơleăng tơxup tơbriât ƀă troăng hơlâ ki hơniâp lĕm, tung tơdroăng dêi luât lâp plâi tơnêi, tung mê ai tơdroăng tơkêa Khu lâp kong têa ‘na Luât têa kơxĭ UNCLOS hơnăm 1982; pêi pro tŭm rơkong tối tơbleăng dêi rêm pâ a Biển Đông DOC ƀă rĕng pêi pro klêi tơdroăng kĭ ‘na pơkâ tơpui kâ dêi rêm pâ a Biển Đông COC ai pơxúa, tơƀrê, tơtro ƀă luât lâp plâi tơnêi.
Viết bình luận