VOV4.Xơ Đăng - Tối nhên a rôh hôp ‘no tung hyôh măng Internet, ’na hbrâ ví tơnêi tơdro tơhnâp a kong pơlê Kon Tum a kơxo lơ 19/4 a Hà Nội, pôa Trần Quang Hoài, Ngế xiâm phŏ Hnê mơhno dêi Tơnêi têa ‘na hbrâ ví xía vâ kong prâi pro ôh tá tơniăn pâ thế, pôi tá kơdoăng tơ’nôm têa a long hngêi kơmăi on tơhrik Thượng Kon Tum a pơla kố.

Tiô riân dêi Viện Vật lý Địa Cầu, Viện Hàn Lâm Khoa học ƀă kŏng ngê̆ Việt Nam ăm hlo, tung pơla achê kố, mê a khế 4 /2021 troh nôkố, mâu kơxô̆ chêh ‘măn ăm hlo tơdroăng tơnêi tơdro tơhnâp a tơring Kon Plông ƀă achê hlo đi đo ƀă rế têi tâ, malối tung mâu hâi lơ 15 ƀă 18 khế 4 kố nah hiăng ai tơnêi tơdro đi đo a kơpong mê tâi tâng kơxô̆ 22 hdroh tơnêi tơdro ki têi ing 2,5 troh 4,5 độ richter. Mơhé ti mê troh nôkố hâi tâng tối lu\p ki klâi ‘na hngêi ối ƀă ‘na mơngế a kơpong tơnêi tơdro, laga ki tơnêi tơdro têi ‘nâng tơdjâk troh tơdroăng rêh ối dêi kuăn pơlê tung kơpong.

Gương tơplôu [ă tơbleăng