Ki vâ tối akố, tung kơxô̆ ki mê, ai péa ngế cho Ủy viên  tung Khu kăn pơkuâ hnê ngăn Đảng kong pơlê, tá jâ H’Lim Niê, Ngế pơkuâ cheăng kal ki dêi Đảng kong pơlê ƀă jâ H’Kim Hoa B’yă, Ngế pơkuâ hnê mơhnhôk cheăng Đảng kong pơlê. Pakĭng mê, ối ai pôa Rơ Lan Vôn Ga, Kăn hnê ngăn Đảng Tơring MDrăk ƀă pái ngế kăn ƀô̆ ki ê cho mâu ngế pơkuâ, mâu ngế phŏ dêi mâu kơ koan, tíu pêi cheăng. Xuân tiô pôa Hải, ai tơ’nôm 3 ngế ki ê hiăng tơpui ƀă Khu tơrŭm cheăng Đảng kong pơlê ‘na tơdroăng pro hlá đơn pâ pơtê cheăng tiô luât pơkâ la kâ liăn.

Pôa Nguyễn Thượng Hải ăm ‘nâi tơ’nôm, mâu hlá đơn pâ pơtê cheăng xuân châ môi tuăn hên, ƀă tơdroăng ki mâu kăn ƀô̆, đảng viên mê chêh púi vâ pro tơ’lêi hlâu ăm mâu kăn ƀô̆ hơnăm ối nếo pêi cheăng mơnhông tơƀrê, hlối kơjo gum tơdroăng kơdroh mơngế pêi cheăng ton hơnăm, xiang xoăng nếo khu kăn pêi cheăng dêi kong pơlê.