Tơdroăng ing Khu pơkuâ kăn ƀô̆ kong pơlê Dak Nông, tíu cheăng kố hiăng pơtroh tơbleăng troh Vi ƀan kong pơlê Dak Nông ‘na 6 phŏ kăn pơkuâ mâu tíu pơkuâ cheăng kĭ pâ pơtê cheăng hdrối hơnăm ki chiâng vâ pơtê cheăng tiô pơkâ 178/2024/NĐ-CP dêi Chin phuh, pôa Lê Quy, Phŏ Kăn pơkuâ Khu pơkuâ kăn ƀô̆; pôa Trần Ngọc Lâm, Phŏ Kăn pơkuâ khu mơjiâng tơmeăm khoăng; pôa Nguyễn Ngọc Luỹ, Phŏ Kăn pơkuâ Khu pơkâ tuá cheăng ƀă mơ’no liăn cheăng; pôa Nguyễn Văn Phò, Phŏ Kăn pơkuâ khu pơkuâ liăn ngân; pôa Phạm Văn Mạnh, Phŏ Kăn pơkuâ troăng prôk ƀă rơxế kơtâu; pôa Lưu Văn Đặng, Phŏ kăn pơkuâ Khu pơkuâ khoa hok ƀă Kŏng ngê̆.

Tiô Khu pơkuâ kăn ƀô̆ Dak Nông, kong pơlê hiăng ai troăng hơlâ mơgêi tơdroăng pêi cheăng 10 khu tơrŭm cheăng Đảng, kơ koan, tíu cheăng a râ kong pơlê; tơ’mot chiâng 10 khu chiâng 5 khu. Tŭm 6 Phŏ kăn pơkuâ kĭ pơtê cheăng hdrối hơnăm roh kố pơrá ối tung mâu khu ki kong pơlê Dak Nông kô pêi pro tơ’mot chiâng môi tung la ngiâ.