Phŏ kăn xiâm hnê ngăn Kuô̆k hô̆i Nguyễn Thị Thanh tối ‘na mâu tơdroăng ki pơloăng mơnúa ƀă tơrŭm cheăng kong têa ê vâ tŏng gum mâu tơdroăng lâp plâi tơnêi nôkố, tối nhên tơdroăng ki môi tuăn rơdêi dêi Việt Nam ƀă troăng pơkâ hên tơdroăng, tung mê ai hnoăng cheăng tíu xiâm dêi Khu lâp kong têa tung xing xoăng mâu ivá mơ-eăm lâp plâi tơnêi.

Tung pơla Khu lâp kong têa ƀă Việt Nam rơtế tơbâ 80 hơnăm mơjiâng ƀă châ ƀlêi trâng tơniăn krê a hơnăm 2025, Phŏ kăn xiâm hnê ngăn Kuô̆k hô̆i pơkâ mơ’no mâu troăng hơlâ pêi pro ai pơxúa vâ thăm mơdêk tơrŭm cheăng pơla péa pâ xuân môi tiah thăm mơdêk tơrŭm tung mâu troăng hơlâ tơrŭm cheăng Kuô̆k hô̆i vâ pro ivá tơrŭm krá tâ nếo pơla Kuô̆k hô̆i Việt Nam ƀă mâu tơdroăng vâ pêi ƀă tơdroăng cheăng pêi ki kân dêi Khu lâp kong têa; pơkâ thế pro tơ’lêi hlâu vâ ai hên mơngế Việt Nam, tung mê ai vâi kơdrâi, mot pêi cheăng a mâu kơ koan Khu lâp kong têa.