VOV4.Xơ Đăng - Kơxo lơ 13/4, a Hà Nội po hneăng hôp Khu chêh hlá tơbeăng tung lâp tơnêi têa hơnăm 2022. Po leh hlá tơbeăng tung lâp tơnêi têa hơnăm 2022 ôh tá xê to hâi leh dêi Khu chêh hlá tơbeăng ƀă kuăn pơlê tung lâp tơnêi têa mê ối cho rơkong tối  tơnêi têa hiăng pơ’lêh rôh ki tơniăn nếo klêi  tơdjâk pơreăng kân COVID-19.

Khu chêh hlá tơbeăng tung lâp tơnêi têa hơnăm 2022 po xap ing hâi lơ 13 - 15/4/2022

Kố cho rôh vâ ô eăng ki mơnhông mơdêk  rơdêi, mâu hnoăng ki kân dêi hlá tơbeăng Việt Nam, tơbleăng mâu tơmeăm hlá tơbeăng rơtế ƀă tơdroăng cheăng, hriê̆n pêi ki nếo dêi mâu khu chêh hlá tơbeăng tung lâp tơnêi têa; Hlối mơdêk trâm mâ, trâm mâu ngế chêh hlá tơbeăng ƀă kuăn pơlê, ing mê mơhnhôk mâu khu chêh hlá tơbeăng pêi tro hnoăng cheăng tơná, ai tiô púi vâ mâu tơdroăng nếo ai rế tâk dêi kuăn pơlê. Tung 3 hâi po Khu chêh hlá tơbeăng lâp tơnêi têa hơnăm 2022, VOV xuân ai môi tơdroăng mơđah hên túa tơbleăng mâu khôi túa vêa vong dêi hdroâng kuăn ngo teăng 13 nâl   tơpui ki VOV dế tơkŭm po mơđah troh kuăn pơlê mâu hdroâng kuăn ngo.

Gương tơplôu ƀă tơbleăng